Nadâl

Nol è Nadâl

un sflandôr di luminarie

ma un piçul luzôr di soreli tal arie

Nol è Nadâl

dute chiste baldorie

al è il cidin di une grande storie

Nol è Nadâl

solamentri la nassite di un frut

ma l’amôr che al imbraçe il dut

Nol è Nadâl

un don di plastiche colorât

ma l’intenzion di vê un emozion impiât

Nol è Nadâl un cori e cori pai negossis

fra flocs di aur e cjartis rossis

Nol è Nadâl mostrâ cui che al à di plui cjapât

al è stâ cun chei atris in serenitât

Nol è Nadâl se o sin bessôi ma cjalasi sancîrs tai vôi

Nol è Nadâl pensâ solamentri al vê ma la gjonda di stâ cun te.

Al è par chist che vi invidi cumò

a cjalasi un cun chel altri, cence dî di no a dâ la man in segno di pâs

a chel lì dongje a un pass dal nâs e Nadâl sarâ cun nô , propit culì, cumò.

Lussia di Uanis


https://youtu.be/TKV1YLf1xpQ

Pin It on Pinterest